Şriftin ölçüsü :

Saytın rəngi :

Fəaliyyət

    2023-2024-cü dərs ilində rayon üzrə 41 ümumi təhsil məktəbi, o cümlədən 39 tam, 2 ümumi orta və bununla yanaşı 1 Şahmat Uşaq Gənclər İdman məktəbi fəaliyyət göstərir.Bu təhsil müəssisələrində hazırlıq qrupları və I-XI siniflərdə ümumilikdə 9197 şagird təhsil alır. Bu tədris ilində rayonun ümumtəhsil məktəblərinin I sinfinə 700 uşaq qəbul olunub.
    Dərs ili ərzində rayonun ümumi təhsil məktəblərinə 556 şagird qəbul edilmiş, 656 şagird isə getmişdir.
   Ümumi təhsil məktəblərinin XI siniflərini bitirən 622 şagirddən 621 –i tam orta təhsil haqqında attestat almış,1 nəfər isə tam orta təhsili başa vura bilməmişdir.
   Azərbaycan Respublikası Təhsil Nazirinin 08 iyun 2017-ci il tarixli 129 nömrəli əmri ilə təsdiq edilmiş “Ümumi orta təhsil haqqında və tam orta təhsil haqqında fərqlənmə attestatlarının verilməsi Qaydası”nın bəndlərinin tələblərinə uyğun olaraq rayonumuzun ümumtəhsil məktəblərini bitirən 9 və 11-ci sinif şagirdlərindən 34 nəfərə fərqlənmə attestatları verilmişdir.
   Dovlət İmtahan Mərkəzinin 2022/2023-cü tədris ilində buraxılış imtahanlarının yekunlarına görə rayonun ümumi təhsil müəssisələrinin
   IXsiniflərini bitirən 882 şagirdin hamısı ümumi orta təhsil haqqında attest almışdır.
   Ötən dərs ilində 8744 şagirdin təlim-tərbiyəsi ilə740 –ı ali,332-i isə orta ixtisas təhsilli olmaqla 1072 müəllim məşğul olmuşdur.
   2023- cü ilin iyun ayında keçirilən sertifikatlaşdırma prosesinin test mərhələsində Azərbaycan dili və ədəbiyyat , ibtidai sinif üzrə 369 müəllim iştirak etmiş, onların təqribən 80 faizi keçid üçün lazım olan minimum balı və ondan yuxarı toplayaraq uğur qazanmışdır. İştirak edənlərin təqribən 16 faizi 51 bal və daha yuxarı toplamışdır.15 nömrəli tam orta məktəbin ibtidai sinif müəllimi Sevda Məmmədvəliyeva rayon üzrə ən yüksək nəticə göstərmişdir(mümkün 60 baldan 58 bal).
   Bu tədris ili üçün rayon üzrə verilmiş 78 vakansiya yerə birinci mərhələdə 70 nəfər müəllim göndərilmişdir. Nəzərdə tutulan məktəblərdə 8 vakant yer yenə də boş qalmışdır.
Təhsilin inkişafında xidmətlərinə, gənc nəslin təlim-tərbiyəsində yüksək nəaliyyətlər əldə etdiyinə və 5 oktyabr “Beynəlxalq Müəllimlər günü” münasibətilə ölkə Prezidentinin Sərəncamı ilə 3 nömrəli tam orta məktəbin riyaziyat müəllimi İbrahimova Nüşabə İlyas qızı“Əməkdar müəllim” fəxri adı, təhsil nazirinin müvafiq əmri ilə isə İ.Qulyev adına B. Mərcanlı kənd tam orta məktəbinin tarix müəllimi Aslanov Həzi Vidadi oğlu, Ş. Aslanov adına Süleymanlı kənd tam orta məktəbin Azərbaycan dili və ədəbiyyat müəllimi Allahverdiyeva Lamiyə Tehran qızı fəxri fərmanla , M. Allahverdiyev adına Çullu kənd tam orta məktəbin kimya müəllimi Baxşəliyeva Vüsalə Atalar qızı və 6 nömrəli tam orta məktəbin tarix müəllimi Quliyeva Leyla Əhliman qızı “Qabaqcıl təhsil işçisi döş nişanı” ilə təltif olunmuşlar.
    Tədris ilinin yekunlarına görə 2023-ci ildə attestat almış 622 məzundan 477 , əvvəlki illərin məzunlarından isə 15 -i olmaqla cəmi 492 məzun ali məktəblərə sənəd verib. Qəbul imtahanların nəticələrinə görə bu ilki məzunlardan 349 , əvvəlki illərin məzunlardan isə 9 nəfər olmaqla cəmi 358 nəfər respublikanın müxtəlif ali məktəblərinə , 31 -i isə orta ixtisas məktəblərinə qəbul olunublar. Onlardan 9 -u 600 baldan yuxarı nəticə göstərmiş, 34-ü Bakı Dövlət Universitetinə, 39 -u Azərbaycan Dövlət Pedaqoji Universitetinə, 18 -i Azərbaycan Dövlət İqtisad Unversitetinə, 19-u Sumaqyıt Dövlət Universitetinə, 14 -ü Azərbaycan Texniki Universitetinə, 15-i Azərbaycan Neft və Sənaye Unversitetinə, 8 –i Azərbaycan Tibb Universitetinə, 18 -i Azərbaycan Dillər Universitetinə,7 -i Bakı Mühəndislik Universitetinə, 3-ü Gəncə Dövlət Universitetinə, 7-i Azərbaycan Dövlət Bədən Tərbiyəsi və İdman Akademiyasına, 2 –i Azərbaycan Dövlət Mədəniyyət və İncəsənət Universitetinə, 2 -i Polis Akademiyasına, 18 -i Azərbaycan Memarlıq və İnşaat Universitetinə, və digər ali məktəblərə qəbul olunublar.
    Respublika fənn olimpiadalarının rayon mərhələsində 41 ümumtəhsil məktəbindən 284 şagird iştirak etmiş, onlardan 86-ı yarımfinala vəsiqə almış ,12-i isə yarımfinaldan finala yüksəlmişlər. Final mərhələsində iştirak etmiş Tatar kənd tam orta məktəbin x sinif şagirdi - Əliyeva Alimə Bayram qızı tarix fənni üzrə gümüş, X. Rüstəmov adına Yuxarı Mərcanlı kənd tam orta məktəbin XI sinif şagirdi Fərhadov Əvəz Ramiz oğlu tarix fənni üzrə bürünc, 10 nömrəli tam orta məktəbinIX sinif şagirdləri Abasquliyev Elvin Qurban oğlu tarix fənni üzrə gümüş və İbrahimov Elçan Müslüm oğlu isə kimya fənni üzrə bürünc medala layiq görülmüşlər. VI və VII sinif şagirdləri arasında keçirilən Respublika fənn müsabiqəsində isə X. Rüstəmov adına Yuxarı Mərcanlı kənd tam orta məktəbin VII sinif şagirdi Quliyeva Jalə Aqil qızı kimya fənni üzrə gümüş medal qazanmışdır.


 

Keçidlər