Yolçuzadə Nizami Vahid oğlu
Kapitan Yolçuzadə Nizami Vahid oğlu 10 aprel 1990-cı ildə Cəbrayıl rayonunun Böyük Mərcanlı kəndində anadan olub. Orta təhsilini Cəbrayıl rayonunun 8 nömrəli tam orta məktəbində alan Nizami oxuduğu müddətdə savadı, yüksək vətənpərvərliyi ilə müəllim və şagirdlərin sevimlisinə çevrilmişdi. Vətənə olan bu sevgi onu 2007 -ci ildə Heydər Əliyev adına Azərbaycan Ali Hərbi Məktəbinə gətirmişdir. Ali hərbi məktəbi uğurla bitirdikdən sonra təyinatı üzrə zabit olaraq Milli Ordu sıralarına qatılmış, xidməti dövründə xarakterində yer alan yüksək vətənpərvərlik hissini öz əsgərlərinə aşılamış və bütün şəxsi heyətin rəğbətini qazanmışdır. Nümunəvi xidmətlərinə görə Müdafiə Nazirliyiinin 23.05.2016-cı il tarixli 095t nömrəli əmri ilə " "Azərbaycan Respublikası Silahlı Qüvvələrinin 95 illiyi", 20.06.2019-cu il tarixli 079t nömrəli əmri ilə "100 illik yubiley" medalları və 26.06.2019 –cu il tarixli 0153 nömrəli əmri ilə "Qüsursuz xidmətə göre III dereceli medalı" ilə təltif olunmuşdur. Kapitan rütbəsinə qədər yüksələn Yolçuzadə Nizami Tabor komandirinin müavini vəzifəsində çalışırdı. Yolçuzadə Nizami Vahid oğlu 18.06.2022-ci ildə Naxçıvan Muxtar Respublikası ərazisində xidməti vəzifəsini həyata keçirən zaman həlak olmuşdur. Ailəli idi, iki azyaşlı övladı var.
Allah rəhmət etsin!