“Təmiz qəsəbəm” devizi altında növbəti təmizlik aksiyası keçirilib
23 sentyabr 2024-cü il tarixdə Rayon İcra Hakimiyyətinin təşkilatçılığı ilə "Yaşıl dünya naminə həmrəylik ili” çərçivəsində “Təmiz qəsəbəm” devizi altında növbəti təmizlik aksiyası könüllülərin, Komunal Müəssisələri idarəsinin işçilərinin iştrakı ilə qəsəbə ərazisində ucaldılmış şəhidlərin xatirə lövhələri ətrafında, Şəhidlər abidə kompleksində və Şəhidlər Xiyabanında keçirilib.
Aksiyanın keçirilməsində məqsəd qəsəbələrdə təmizliyə riayət olunmasını təbliğ etmək, ərazinin məişət tullantıları ilə zibillənməsinin qarşısını almaq, sakinləri ətraf mühitin mühafizəsi uğrunda mübarizəyə cəlb etmək və hər kəsi öz atdığı tullantıları toplamağa sövq etməkdir.
Cəbrayıl Rayon İcra Hakimiyyəti sakinlərimizi ətraf mühitin mühafizəsinə yönəldilmiş bu cür tədbirlərdə fəal iştrak etməyə, təbiətə qayğı və həssas münasibət göstərməyə çağırır.
