Məktəblimiz Beynəlxalq Riyaziyyat Olimpiadasında qızıl medal qazanıb
14 avqust 2023 | 18:34
10 avqust 2023-cü il tarixdə İngiltərənin paytaxtı London şəhərində keçirilən və 34 ölkənin iştirak etdiyi Beynəlxalq Riyaziyyat Olimpiadasında Azərbaycanı təmsil edən rayonun K.Məmmədov adına B.Mərcanlı kənd tam orta məktəbinin 9-cu sinif şagirdi Həsənzadə Fərid İsmayıl oğlu uğurla çıxış edərək qızıl medala layiq görülüb.
Məlumat üçün bildiririk ki, bu ilin may ayında Fərid Həsənzadə İngiltərədə onlayn təşkil edilən 8-ci sinif şagirdləri arasında 100 ölkənin iştirak etdiyi riyaziyyat və məntiq üzrə Beynəlxalq olimpiadada birinci yer tutaraq qızıl medal qazanmış və 2023-cü ilin avqust ayında Londonda keçiriləcək Beynəlxalq olimpiadaya dəvət almışdır.
Məktəblimizi təbrik edir və uğurlar arzulayırıq.
Keçidlər
