Məktəblilərimiz intellektual oyunlar üzrə Respublika Kubokunun final mərhələsində uğurla iştrak ediblər
20 oktyabr 2024-cü il tarixdə Azərbaycan Respublikası Elm və Təhsil Nazirliyinin və “Kapital Bank”ın dəstəyi ilə “Təhsil Oyunları Platforması” layihəsi çərçivəsində, Azərbaycan dilində, onlayn qaydada 6-9 və 10-11-ci sinif şagirdlərindən ibarət komandalar üçün "Nə? Harada? Nə zaman" intellektual oyunu üzrə Respublika Kuboku yarışı keçirilib. Seçim turundan sonra Respublika üzrə 40 finalçı komanda müəyyən olunub. Rayonumuzun İsgəndər Tahirov adına Mehdili kənd tam orta məktəbinin "Çinar" komandası ötən ilki uğurunu bir daha təkrarlayaraq finala vəsiqə qazanan 40 komandadan biri olmuşdur.
27 oktyabr 2024-cü il tarixdə Bakı şəhərində intellektual oyun üzrə Respublika Kubokunun final mərhələsi keçirilib. Ümumi komanda hesabında İ.Tahirov adına Mehdili kənd tam orta məktəbin 6-9 sinif şagirdlərindən ibarət "Çinar" komandası yüksək nəticə əldə edərək Azərbaycan Respublikası Elm və Təhsil Nazirliyinin diplomuna layiq görülüb.
Məktəblilərimizi təbrik edir və növbəti yarışlarda uğurlar arzulayırıq!
