Cəbrayıl rayonunda Beynəlxalq Müəllimlər Günü münasibətilə tədbir keçirilib
05 oktyabr 2024-cü il tarixdə Cəbrayıl rayonunda Beynəlxalq Müəllimlər Günü münasibətilə tədbir keçirilib. Tədbirdə Rayon İcra Hakimiyyəti başçısının müavini Fəridə İbayeva, RİH aparatın, rayon Təhsil Sektorunun əməkdaşları, qabaqcıl təhsil işçiləri və təhsil ictimaiyyəti iştirak ediblər.
İştirakçılar ilk öncə Heydər Əliyev adına mədəniyyət və istirahət parkında Ulu Öndərin heykəlini ziyarət edərək, önünə gül dəstələri düzüb, ruhunu ehtiramla yad ediblər.
Rayon İcra Hakimiyyətinin başçısı Kamal Həsənovun təbrikini tədbir iştrakçılarına çatdıran Fəridə İbayeva ölkəmizdə təhsil sahəsində aparılan dövlət siyasətindən söhbət açıb. Bildirib ki, əsası Ulu Öndər Heydər Əliyev tərəfindən qoyulan və bu gün möhtərəm Prezidentimiz İlham Əliyev tərəfindən uğurla davam etdirilən təhsil islahatları, qəbul olunan Dövlət Proqramları hər bir müəllim üçün stimul yaradır.
Təhsil işçiləri göstərilən diqqət və qayğıya görə dövlət başçısına və rayon rəhbərinə minnətdarlıqlarını bildiriblər.
