Cəbrayıl rayonunda “20 Yanvarda doğulanlar” adlı bədii-sənədli film nümayiş olunub
16 yanvar 2025-ci il tarixdə Cəbrayıl Rayon İcra Hakimiyyətinin təşkilatçılığı ilə İ.Quliyev adına B.Mərcanlı kənd tam orta məktəbində “20 Yanvarda doğulanlar” adlı bədii-sənədli film nümayiş olunub.
Film nümayişində Rayon İcra Hakimiyyəti başçısının müavini Fəridə İbayeva, aparatın məsul əməkdaşları , mədəniyyət işçiləri, məktəbin şagird və müəllim kollektivi iştirak ediblər.
Tədbirdə vətənin azadlığı və müstəqilliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, 20 Yanvar faciəsinin tarixindən, Azərbaycan xalqının milli azadlıq və ərazi bütövlüyü uğrunda mübarizəsindən söhbət açılıb.
Tədbir Azərbaycan tarixinin qəhrəmanlıq səhifəsi olan 20 Yanvar hadisələri və bu hadisələr zamanı şücaət göstərmiş dənizçilərdən bəhs edən “20 Yanvarda doğulanlar” adlı bədii-sənədli filmlə davam etdirilib.
Xatırladaq ki, filmin ssenarisi 1990-cı ilin 20 Yanvar hadisələrinin şahidi olmuş dənizçilərin açıqlamaları və xatirələri əsasında yazılıb. Filmin quruluşçu rejissoru Əməkdar incəsənət xadimi Elxan Cəfərovdur.
