“Ruhumun ünvanı Şuşa!” adlı intellektual bilik yarışması keçirilmişdir
02 mart 2022-ci il tarixdə 2022-ci ilin “Şuşa İli” elan edilməsi ilə bağlı Azərbaycan Respublikası Prezidentinin 05 yanvar 2022-ci il tarixli Sərəncamı və Cəbrayıl rayon İcra Hakimiyyətinin tədbirlər planına əsasən rayonun Vahid İsmayılov adına Çərəkən kənd tam orta məktəbində “Ruhumun ünvanı Şuşa!” adlı intellektual bilik yarışması keçirilmişdir. VIII-XI sinif şagirdləri arasında keçirilən yarışmada 4 komanda: “Qarabağ”, “Şuşa qalası”, “Cıdır düzü” və “Kiçik Paris” iştirak edirdi.
İntellektual yarışmanın keçirilməsində əsas məqsəd yetişməkdə olan gənc nəslə Qarabağın baş tacı Şuşanın tarixini, təbiətini, fauna və florasını, ədəbi mühitini, abidələri və görkəmli şəxsiyyətlərini xatırlatmaq olmuşdur.
Gərgin və maraqlı keçən yarışda Məktəbin IX sinfinin “Şuşa qalası” 1-ci, X sinfinin “Cıdır düzü” 2-ci, XI sinfinin “Qarabağ” komandası 3-cü yerə layiq görülmüşdür.
Sonda komanda üzvləri məktəb rəhbərliyi tərəfindən hədiyyələrlə mükafatlandırılmışlar.
