Şəhid Ruhin Qəhrımanovun doğum günüdür
10 oktyabr 2018 | 16:00
Bu gün aprel şəhidi Ruhin Əşrəf oğlu Qəhrəmanovun doğum günüdür. Bu münasibətlə rayon İcra hakimiyyətinin, hüquq-mühafizə orqanlarının rəhbərliyi və rayon ictimaiyyətinin nümayəndələri şəhidin məzarını ziyarət ediblər.
Əslən Cəbrayıl rayonundan olan şəhid kəşfiyyatçı 10 oktyabr 1994-cü ildə Biləsuvar rayonunun ərazisində yerləşən 2 saylı çadır şəhərciyində dünyaya gəlib. 2012-ci ildə Cəbrayıl rayon Ramiz Xudiyev adına Minbaşılı kənd tam orta məktəbinin 11-ci sinfini bitirib, həqiqi hərbi xidmətə yollanıb. Xidmətini başa vurduqdan sonra könüllü olaraq müddətdən artıq həqiqi hərbi xidmət hərbi qulluqçusu kimi ordu sıralarında qulluq edib.
Ruhin Qəhrəmanov 2016-cı ilin aprel ayının 2- də Lələ Təpə yüksəkliyinin düşmən işğalından azad edilməsi uğrunda gedən döyüşlərdə qəhrəmancasına şəhid olub və ölümündən sonra "İgidliyə görə" medalı ilə təltif edilib.
Allah rəhmət eləsin.
Keçidlər
