Şriftin ölçüsü :

Saytın rəngi :

“İRƏLİ” ictimai birliyinin üzvləri Cocuq Mərcanlıya səfər edib

25 dekabr 2017 | 16:00

Dekabr ayının 23 –də “İRƏLİ”  ictimai  birliyinin  təsis olunmasının 9-cu il dönümü münasibəti ilə birliyin sədri MirHəsən Seyidov  və 100 nəfərdən çox  birlik üzvü  Cəbrayıl rayonunun Covuq Mərcanlı kəndinə səfər ediblər.

Nümayəndə heyyətinin üzvləri, Cəbrayıl və Füzuli rayon İcra hakimiyyətinin nümayəndələri ilə birlikdə  Horadiz-Cocuq Mərcanlı yolunun kənarında “Aprel şəhidlərinə xatirə” abidə kompleksini ziyarət edərək abidə önünə gül dəstələri qoyublar.

Cocuq Mərcanlı kəndinə gələn nümayəndə heyyətinin üzvlərini kənd məktəbinin şagirdləri əllərində gül dəstələri ilə qarşılayıblar. Cəbrayıl rayon İcra hakimiyyətinin başçısı Kamal Həsənov qonaqları salamlayaraq kənddə  aparılan abadlıq-quruculuq işləri haqqında qonaqlara geniş məlumat verib.

Sonra birlik üzvləri Novruz Aslanov adına Cocuq Mərcanlı kənd orta məktəbində yaradılmış şəraitlə tanış olmuş, təşkilat adından məktəbin şagirdlərinə  dərs ləvazimatları təqdim olunmuşdur.

Səfər çərçivəsində qonaqlar Şuşa məscidinin bənzəri olan Cocuq Mərcanlı kənd məscidini də ziyarət etmiş, ölkə Prezidenti cənab İlham Əliyevin İşğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı müvafiq  Sərəncamlarına uyğun olarq aparılan tikinti-quruculuq işləri ilə tanış olmuşlar.

Keçidlər